Літоўскія памежнікі паведамілі пра стрэлы з беларускага боку мяжы
Літоўскія памежнікі паведамляюць пра стрэлы з беларускага боку мяжы. У першай палове дня 7 кастрычніка нехта тройчы страляў на мяжы са Швянчонскім раёнам Літвы. Праз гадзіну памежнікі пачулі прыкладна там жа яшчэ адзін стрэл, піша delfi.lt.
А апоўначы непадалёк ад муніцыпалітэта Друскінінкай з беларускага боку было выпушчана 7 сігнальных ракет.
Таксама паведамляецца, што за сераду літоўскія памежнікі не прапусцілі ў краіну 61 мігранта з тэрыторыі Беларусі.
