Лукашэнка адправіўся на радзіму — у Шклоўскі раён
22 чэрвеня Аляксандр Лукашэнка адправіўся з працоўнай паездкай на Магілёўшчыну, у Шклоўскі раён, паведамляе яго прэс-служба.
Кіраўнік дзяржавы плануе наведаць арганізацыі аграхолдынгу "Купалаўскае". Ён азнаёміцца, як ідзе стварэнне інтэграванага аб'яднання з поўным цыклам вытворчасці, перапрацоўкі і рэалізацыі прадукцыі на аснове сучасных тэхналогій на базе сельгасарганізацый Шклоўскага раёна.
Акрамя таго, Лукашэнку паведамяць, як ідзе нарыхтоўка кармоў у раёне, вобласці і Беларусі ў цэлым.
