Лукашэнка: Усебеларускі з'езд 1917-га выявіў імкненне да самавызначэння Беларусі
Першы Усебеларускі з'езд 1917 года прадэманстраваў каштоўнасці, значныя да цяперашняга дня. Пра гэта гаворыцца ў прывітанні, якое Аляксандр Лукашэнка накіраваў гасцям і ўдзельнікам канферэнцыі "Падзеі 1917 года ў гістарычным лёсе Беларусі". Як інфармуе БЕЛТА, прывітанне кіраўніка дзяржавы зачытаў удзельнікам канферэнцыі першы намеснік кіраўніка Адміністрацыі Максім Рыжанкоў.
Як вядома, Першы Усебеларускі з'езд прайшоў у снежні 1917 года. Ён быў разагнаны бальшавікамі. Кіраўніцтва з'езду пазней стварыла Раду, якая абвясціла стварэнне незалежнай Беларускай Народнай Рэспублікі.
"Ідэя самавызначэння Беларусі, якая ішла знізу, ад ініцыятывы народных мас, выказалася ў скліканні I Усебеларускага з'езда. Гэты народны сход прадэманстраваў найважнейшыя каштоўнасці, значныя для нас да цяперашняга дня: сваю дзяржаву, яго сацыяльны характар і той факт, што толькі народ, яго воля, калектыўны розум і лідары могуць стаць сапраўднай крыніцай незалежнасці", — гаворыцца ў звароце Лукашэнкі.
Ён параўнаў Першы Усебеларускі з'езд 1917 года з цяперашнімі Усебеларускімі сходамі. На думку кіраўніка дзяржавы, гэта дае "другі ўрок гісторыі нашай дзяржаўнасці: толькі адзінства ўсіх нас, усяго нашага беларускага народа з'яўляецца гарантам выбару і захавання самастойнага шляху развіцця".
Таксама ў прывітанні гаворыцца, што на Першым Усебеларускім з'ездзе прагучала ідэя стварэння беларускага ўніверсітэта. Лукашэнка падкрэсліў, што без адукацыі і навукі немагчыма ўмацаваць незалежнасць нашай дзяржавы.
