Макс Корж пра вулічныя пратэсты: "Пацаны. Вы перамаглі. Тармазніце сёння"
![Макс Корж пра вулічныя пратэсты: "Пацаны. Вы перамаглі. Тармазніце сёння"](/sites/default/files/styles/gallery_main/public/2023-08/korz-1108.jpg.webp?itok=Nt47hwbb)
Рэпер Макс Корж упершыню публічна выказаўся пра падзеі ў Беларусі. У сваім акаўнце ў Instagram.
"Пацаны. Вы перамаглі. Тармазніце сёння. Вы паказалі, што можаце даць адпор. Навялі рух на ўвесь свет. Відосаў хопіць на месяц наперад. Гэтая тэма (прамыя сутыкненні) ужо не будзе працаваць у плюс. Тую "перамогу з дня на дзень", пра якую вам пішуць у цялезе на дадзены момант атрымаць проста нерэальна", — напісаў музыка.
Ён заявіў, што бачыць падзеі ў Мінску на свае вочы. "Далей толькі трупы. Сілавікі такім спосабам на бок людзей не пераходзяць. Зараз у іх вачах вы якраз тыя, супраць якіх іх натасківалі гадамі", — перасцерагае Корж.
Ён лічыць, што пратэстоўцы павінныя патрабаваць ад сваіх лідараў іншых рашэнняў.
"Беражыце сябе, не рызыкуйце бяздумна. Не забывайце, чые вы праўнукі. Перадавайце ўсім", — завяршае музыка свой зварот.
У Мінску і іншых гарадах Беларусі трэці дзень працягваюцца вулічныя пратэсты. Яны пачаліся пасля прэзідэнцкіх выбараў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.