Мальта не гарантуе Януковічу прэзідэнцкіх ушанаванняў
Пра гэта ўлады еўрапейскай краіны паведамілі ўкраінскаму лідару.
Як паведамляе мальтыйская прэса, Віктару Януковічу не гарантуюць афіцыйныя ўшанаванні, прызначаныя для візітаў прэзідэнтаў і дзяржаўных дзеячаў.
Паездка на Мальту была запланаваная на пачатак наступнага тыдня. Яна павінна была стаць першым візітам Януковіча ў краіну ЕС пасля правалу на Віленскім саміце. Раней прэс-служба ўкраінскага прэзідэнта паведаміла, што візіт кіраўніка дзяржавы на Мальту перанесены на няпэўны час. Гэты перанос тлумачаць “неабходнасцю засяродзіцца на ўнутрыпалітычных справах”, інфармуе korrespondent.net.
