Межы закрытыя, чартар па вас не вышлюць — як выжыць і вярнуцца?
Няважна, што доўгі час ад кіраўніка Беларусі гучалі словы пра перабольшванне небяспекі каранавіруса. І няважна, што каранцін у Беларусі, у адрозненне ад іншых краін свету, так і не ўведзены, а межы — не закрытыя. Гэта не перашкаджае Аляксандру Лукашэнку рабіць на адрас беларусаў, што затрымаліся за мяжой, заявы кшталту: “Тым, хто выехаў пасля нашых папярэджанняў, — ніякіх чартараў. Няхай там і сядзяць, калі туды выехалі”.
Што рабіць, калі ты за мяжой і выехаць няма ніякай магчымасці? Чакаць паратунку ці выжываць самастойна? Ці прапануюць і зараз тураператары паездкі за мяжу і ці варта пагаджацца на “смачныя” прапановы?
На гэтыя ды іншыя пытанні ў жывым эфіры Еўрарадыё адказвае вандроўнік-авантурыст, тэлевядучы, лідар гурта DaVinci Дзяніс Дудзінскі.
Трансляцыю са студыі можна паглядзець у сацсетках: Facebook, "ВКонтакте", "Аднакласнікі".
