Міхаілу Саакашвілі вынеслі новы прысуд
Міхаіл Саакашвілі за кратамі, архіўнае фота / Reuters
Новы прысуд былому прэзідэнту Грузіі Міхаілу Саакашвілі вынес Тбіліскі гарадскі суд. Яго прызналі вінаватым у незаконным перасячэнні дзяржаўнай мяжы.
За гэта Саакашвілі прысудзілі чатыры з паловай гады пазбаўлення волі. У асобную вытворчасць вылучылі справу трох чалавек, якія дапамагалі экс-прэзідэнту ў перасячэнні мяжы.
Гаворка ідзе аб прыездзе Саакашвілі ў Грузію ўвосень 2021 года перад мясцовымі выбарамі. Саакашвілі апублікаваў у сацсетках відэаролік пра сваё вяртанне ў краіну. Неўзабаве яго затрымалі.
Паведамляецца, што Саакашвілі не прысутнічаў на судовым пасяджэнні, а таксама не падключыўся да яго анлайн.
На мінулым тыдні экс-прэзідэнта Грузіі асудзілі па "справе пінжакоў", прызнаўшы вінаватым у растраце дзяржаўных сродкаў. Цяпер супраць яго застаецца застаецца толькі адно абвінавачванне, якое чакае разгляду ў судзе. Гэта справа аб разгоне апазіцыйнага мітынгу.
