Мінадукацыі: Абітурыентаў стала на 24 тысячы менш з-за дэмаграфіі

Пра гэта Еўрарадыё паведамілі ў Міністэрстве адукацыі.

Супрацоўніца міністэрства: “Гэта зменшылася колькасць дзяцей. У гэтым годзе апошні такі нізкі парог. Дэмаграфічная яма. Мы гэта прагназавалі”.

Сёлета на цэнтралізаванае тэсціраванне запісаліся 117 тысяч абітурыентаў, летась — 141 тысяча. Пры гэтым на шэсць тысяч скарацілася колькасць выпускнікоў школ, калі параўноўваць з мінулым годам.

Найбольш масавым аказалася тэсціраванне па рускай мове. На яго запісалася амаль 84 тысячы чалавек, паведамляюць у Мінадукацыі.

Фота — sb.by