Міністр абароны Польшчы: усіх мігрантаў, якія прарваліся праз мяжу, затрымалі
Усе мігранты, якія прарваліся ўначы праз мяжу, былі затрыманыя. Пра гэта заявіў міністр абароны Польшчы Марыюш Блашчак.
"Гэта не была спакойная ноч, было шмат спробаў прарваць польскую мяжу, з дакладаў камандзіраў польскага войска і з таго, што мы можам даведацца з паведамленняў Памежнай службы, усе тыя, хто прарваўся, былі затрыманыя", — гаворыцца ў паведамленні прэс-службы Мінабароны.
Акрамя таго, Блашчак заявіў, што мяжу ахоўваюць ужо 15 тысяч польскіх вайскоўцаў і гэтая лічба можа быць павялічаная. Раней паведалялася пра 12 тысяч польскіх вайскоўцаў, прыцягнутых да аховы мяжы з Беларуссю.
Як распавядала Еўрарадыё, уначы на 10 лістапада дзве вялікія групы мігрантаў узялі штурмам агароджу на мяжы і прарваліся на польскую тэрыторыю. Туды трапілі некалькі дзясяткаў чалавек. Частку мігрантаў палякі адцяснілі зноў на мяжу, астатніх шукалі.
W #SygnałyDnia w @RadiowaJedynka @mblaszczak szef @MON_GOV_PL: to nie była spokojna noc, było wiele prób przełamania polskiej granicy, z meldunków dowódców Wojska Polskiego i z tego, co możemy się zapoznać z komunikatów SG, wszyscy ci, którzy się przedarli, zostali zatrzymani.
— Jedynka – Program 1 Polskiego Radia (@RadiowaJedynka) November 10, 2021
