“Мінск” адабраў ачкі ў “Шахцёра” (відэа)
3 жніўня прайшлі яшчэ два матчы 19-га тура чэмпіянату Беларусі сярод каманд вышэйшай лігі.
“Мінск” прымаў на сваім полі “Шахцёра” і абыграў яго з разгромным лікам — 3:0. Гарнякі, якія сёлета бліскуча гуляюць у Лізе Еўропы, не змаглі справіцца з не наймацнейшай камандай унутранага чэмпіянату.
“Гомель” у сябе дома саступіў “Нёману” — 0:2.
Нагадаем вынікі трох папярэдніх матчаў, якія прайшлі напярэдадні, 2 жніўня: “Дынама” (Брэст) — “Нафтан” — 0:7, “Слуцк” — “Тарпеда-БелАЗ” — 2:1, “Белшына” — “Дняпро” — 0:0.
Ключавая сустрэча гэтага тура паміж сталічным “Дынама” і БАТЭ перанесеная на 13 жніўня.
