"Мінсктранс" не пацвярджае чуткі пра падаражэнне праезду

У інтэрнэце з'явіліся звесткі пра хуткае падаражанне праезду ў грамадскім транспарце Мінска. Паведамляецца, што квіткі падаражэюць на 500 рублёў — да 4500 рублёў. У кіроўцы квіток будзе, нібыта, каштаваць 5000 рублёў, у аўтобусах экспрэсных маршрутаў — 6000 рублёў.

Аднак намесніца генеральнага дырэктара “Мінсктранса” Ірына Якубоўская ў гутарцы з Еўрарадыё інфармацыю пра падаражэнне праезду ў грамадскім транспарце не пацвердзіла.

Якубоўская: "Першы раз чую ад вас. У мяне дакументаў ніякіх па гэтым пытанні няма".

Нагадаем, што папярэдняе падаражанне праезду ў Мінску было сёлета 9 жніўня.

Фота — onliner.by