МЗС атрымала ўжо больш за 70 заявак на акрэдытацыю замежных журналістаў

Міністэрства замежных спраў атрымала больш за 70 заявак на акрэдытацыю замежных журналістаў ад 15 СМІ. Такую лічбу назваў прэс-сакратар МЗС Анатоль Глаз. 

Як распавядала Еўрарадыё, 2 кастрычніка МЗС адмяніла акрэдытацыю ўсіх замежных журналістаў. Гэта было звязана з тым, што ведамства распрацавала новае Палажэнне аб акрэдытацыі. 

Прыёём электронных заявак на новую акрэдытацыю пачаўся з панядзелка, 5 кастрычніка. 

"Вядома, у першую чаргу, як і абяцалі, разгледзім раней пададзеныя заяўкі. Пастараемся таксама аператыўна даць магчымасць працаваць хаця б некалькім журналістам розных сусветных СМІ, пакуль разглядаюцца дакументы іх калег. Адназначны прыярытэт на дадзеным этапе таксама будзе аддадзены грамадзянам тых краін, дзе зарэгістравана замежнае медыя", — патлумачыў Анатоль Глаз.

Пры гэтым прэс-сакратар МЗС падкрэсліў, што Беларусь можа дзейнічаць паводле прынцыпу ўзаемнасці ў тых выпадках, дзе ўжываюцца абмежавальныя меры супраць журналістаў беларускіх СМІ. І першы такі прэцэдэнт "ужо магчымы", дадаў ён.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.