На брэсцкі канцэрт "Акіяна Эльзы" трапяць усе пакупнікі квіткоў

Як паведамляла Еўрарадыё, інфармацыя пра тое, што частку гледачоў не пусцяць у залу, з'явілася 4 снежня. Брэсцкая філармонія патлумачыла гэта несапраўднай інфармацыяй, якую агучылі ў рэкламе. Інтэрнет-распаўсюднік квіткоў, сайт ticketpro.by, нібыта без ведама філармоніі дадаў да продажу яшчэ 500 квіткоў на танцпол.

Як паведамляе сайт tomin.by, учора праблема тэрмінова вырашалася ў аблвыканкаме. У нарадзе з кіраўніцтвам вобласці прынялі ўдзел прадстаўнікі кампаніі "Біг Шоў прамоўшн, якая і прывезла ўкраінскі рок-гурт у Беларусь.  Было вырашана пусціць усіх уладальнікаў квіткоў пасля прыняцця дадатковых мер бяспекі на канцэрце.

Канцэрт гурта "Акіян Эльзы" адбудзецца 5 снежня ў Лядовым палацы Брэста.

Фота — pesnipodgitaru.ru