На даху вакзала ў Гродне прайшоў канцэрт з іншапланетнікамі (фота)
5 чэрвеня яго наладзіў мясцовы поп–гурт "3D".
Гэта быў першы ў горадзе выступ мясцовых музыкаў на даху чыгуначнага вакзала. Міні-канцэрт прысвяцілі першаму выступу легендарнага гурта Beatles на даху лонданскай "высоткі" 45 гадоў таму.
Па словах PR–мэнэджара "3D" Міхаіла Ліса, у аснову акцыі музыкі паклалі ідэю перамяшчэння ў часе з 1960–х гадоў. Дзяўчат на дах даставілі на караблі іншапланетнікі, якія ў сярэдзіне канцэрта далучыліся да выступлення. Спявачкі, якія загрыміравалася пад стыль "бітнікаў", праспявалі некалькі песень са свайго рэпертуару.
