На кіеўскім Майдане Незалежнасці гараць намёты
Спачатку полымем ахапіла некалькі намётаў, але паколькі канструкцыі месцяцца вельмі блізка, то агонь можа перакінуцца далей.
Пажарныя, што дзяжураць на Майдане, пачалі тушэнне ўзгарання. Пакуль невядома, хто і навошта падпаліў гэтыя намёты. Людзі, якія знаходзяцца на плошчы, спрабуюць прыбраць шыны — іх вельмі шмат паміж намётамі, перадае УНІАН.
Як раней інфармавала ТСН, напярэдадні ў пятніцу актывісты Майдану, якія дагэтуль застаюцца на галоўнай плошчы ўкраінскай сталіцы, пагадзіліся вызваліць праезную частку. Аднак яны не збіраліся сыходзіць увогуле і прыбіраць намёты. На сёння ж быў прызначаны суботнік, у часе якога мелі прыбраць барыкады і навесці парадак на Хрэшчаціку.
Фота: Twitter
