На мясцовых выбарах датэрмінова прагаласавалі ўжо 27,03% выбаршчыкаў
На выбарах у мясцовыя саветы датэрмінова прагаласавалі ўжо 27,03% выбаршчыка. Такія звесткі за чатыры дні датэрміновага галасавання падае БЕЛТА са спасылкай на Цэнтрвыбаркам.
Найбольшая яўка на датэрміновае галасаванне ў Віцебскай вобласці (28,79%), найменшая — у Брэсцкай (24,18%).
Сёння, 17 лютага, апошні дзень датэрміновага галасавання. Самі выбары прызначаныя на 18 лютага. Кандыдатамі ў дэпутаты зарэгістраваныя болей за 22,2 тысячы чалавек. Яны прэтэндуюць на 18 тысяч дэпутацкіх мандатаў.
