На пятніцу прагназуюць дождж і мокры снег
У пятніцу, 17 снежня, умовы надвор'я ў краіне будзе вызначаць няўстойлівая паветраная маса, якая ідзе з Фінскага заліва. Чакаецца воблачнае з праясненнямі надвор'е, паведамляе Белгідрамет.
У многіх раёнах Беларусі пройдуць невялікія ападкі — дождж і мокры снег. Месцамі чакаюцца слабыя туман і галалёд, на асобных участках дарог будзе галалёдзіца. Вецер прагназуецца паўночна-заходні, паўночны ўмераны, месцамі парывісты.
Тэрмометры на працягу сутак пакажуць ад 1 градуса марозу да 5 цяпла.
