На Віцебшчыне спынілі адміністрацыйную справу за "несанкцыянаванае пікетаванне"
БЧБ-сцяг (ілюстрацыйнае фота) / Euroradio
На Віцебшчыне спынілі адміністрацыйную справу за "несанкцыянаванае пікетаванне", паведамляе viciebskspring.org. Старшыня суда Шумілінскага раёна Іна Грабаўская палічыла, што двухмесячны тэрмін для пакарання жыхара Віцебска Андрэя Прыстаўкі скончыўся.
Мужчыне ставілі ў віну правядзенне пікету, на які ён не атрымаў адпаведнага дазволу ад кіраўніцтва мясцовага райвыканкама. Міліцыянеры заўважылі, што ён размясціў у Facebook публікацыю, звязаную з грамадска-палітычным жыццём, у якой меўся яго здымак з выявай бел-чырвона-белага сцяга. Яны расцанілі яго як "пікетаванне без адпаведнага дазволу выканаўчых і распарадчых органаў" і склалі пратакол аб адміністрацыйным правапарушэнні.
