На Віцебшчыне затрымалі яшчэ аднаго ксяндза
Юрый Бараўнёў / catholicnews.by
На Віцебшчыне затрымалі яшчэ аднаго ксяндза. На гэты раз сілавікі схапілі пробашча парафіі Сэрца Езуса ў Крулеўшчыне ксяндза-каноніка Юрыя Бараўнёва. Затрыманне адбылося 7 кастрычніка. Бараўнёва абвінавачваюць у захоўванні "экстрэмісцкіх матэрыялаў". Яго будуць судзіць, піша тг-канал @christianvision.
У Віцебскай вобласці найчасцей затрымліваюць каталіцкіх святароў. З 2020-га ў РБ праз адміністрацыйныя арышты прайшоў 31 ксёндз. З іх 13 — з Віцебскай дыяцэзіі. Там жа ў траўні быў затрыманы ксёндз Анджэй Юхневіч, які дагэтуль за кратамі.
