Надвор’е на панядзелак: да +31, месцамі навальніцы
У бліжэйшыя суткі, 19 жніўня, у Беларусі чакаецца пераменная хмарнасць, пераважна без ападкаў.
Толькі ўдзень у гранічных раёнах па паўночным захадзе краіны пройдуць кароткачасовыя дажджы, месцамі — навальніцы. Уначы і раніцай дзе-нідзе прагназуюць слабыя туманы.
Вецер будзе паўднёвым слабым на ўмеркаванага, пры навальніцах — парывістым.
Тэмпература паветра ўначы складзе плюс 11-18 градусаў. Удзень будзе ад 23 да 29 градусаў вышэй за нуль, па паўднёвым захадзе месцамі — да плюс 30-31 градуса.
Сіноптыкі таксама заклікаюць не забывацца пра пажарную небяспеку, якая існуе ў лясах па паўднёвым усходзе Беларусі. Ідучы ў лес, варта памятаць пра асцярожнае абыходжанне з агнём, нагадвае БЕЛТА.
