Найлепшага футбаліста Беларусі 2021 года і яго жонку судзілі за пратэсты
Андрэй Салавей / abff.by
Найлепшага футбаліста Беларусі 2021 года Андрэя Салаўя і яго жонку Аксану судзілі за ўдзел у пратэстах 2020 года ("за грубае парушэнне грамадскага парадку"). Справу ў сярэдзіне лістапада разглядаў Першамайскі суд Мінска. Прысуд — па 2 гады "хатняй хіміі".
Пасля суда Салавей гуляў у матчах вышэйшай лігі, заўважае "Трыбуна".
Андрэю Салаўю 13 снежня споўніцца 30 гадоў. Гуляў за беларускія клубы і за казахстанскі "Аксу". Са студзеня 2024-га — футбаліст мазырскай "Славіі".
Падчас пратэстаў 2020-га некаторыя футбалісты затрымліваліся і былі асуджаныя. Пасля шэраг гульцоў трапілі ў "чорны спіс" Мінспорту. Ім не дазвалялі выступаць у беларускім чэмпіянаце. Некаторыя "раскаяліся" і "прызналі памылкі".
