Найперш на зборы стараемся прызываць тых, хто раней не служыў — клецкі ваенкам

У Беларусі на вайсковыя зборы прызываюць мужчын. Мінабароны пра іх паведаміла 8 лютага, але яшчэ напярэдадні яны ўжо прыбывалі ў вайсковыя часці. Як піша клецкая раённая газета "Да новых перамог", найперш на зборы прызываюць тых, хто раней не служыў у войску. Пра гэта заявіў клецкі ваенкам Юрый Пігулеўскі.

"Я лічу, што кожны з нас абавязаны хоць аднойчы ў жыцці адчуць сябе салдатам, і ўжо тым больш, калі ён да 27 гадоў у сілу абставінаў не служыў, — кажа ён. — Дарэчы, тыя, хто не служыў раней, прымуць вайсковую прысягу".

За 25 дзён на зборах яны атрымаюць "неабходныя вайсковыя навыкі" і засвояць "ваенна-ўліковую спецыяльнасць".

Высвятляецца, што на зборы прызываюць тых, хто не служыў у войску, і ў іншых рэгіёнах.