Не баяцца прасіць ці "ісці на завод ласося"? Эфір з Настай Базар

Фемактывістка і гендарная экспертка Наста Базар папрасіла аб дапамозе — яна збірае грошы, каб аплаціць за месяц здымую кватэру ў Варшаве. 

"Наперадзе ёсць планы, праца і перспектывы, але закрыць фінансавую дзірку магчымасці няма.
Настолькі, што над намі вісіць выклік на высяленне з арэнднай кватэры плюс не закрытыя базавыя патрэбы як дарослых, так і дзяцей. Таму без чаканняў, але з надзеяй, сёння прашу ў вас фінансавай дапамогі. Колькі магчыма, буду удзячна любой суме", — напісала Наста ў фэйсбуку.

І панеслася. Насту пачалі абвінавачваць у тым, што яна асмелілася на такую дзёрзкасць, і ў тым, што жыве не па сродках. 

Размаўляем з актывісткай пра ўразлівыя групы ў эміграцыі і пра тое, чаму прасіць аб дапамозе — гэта нармальна.