Новыя санкцыі ЕС супраць мінскага рэжыму могуць быць уведзеныя неўзабаве — Ёзвяк
ЕС рыхтуе новыя санкцыі супраць Масквы і Мінска / twitter.com/dw_russian
Чарговы пакет санкцый Еўрасаюза супраць Крамля рыхтуецца да гадавіны пачатку вайны. А санкцыі супраць беларускага рэжыму могуць быць уведзеныя яшчэ раней. Пра гэта піша ў Твітары брусельскі карэспандэнт Радыё "Свабода" Рыкард Ёзвяк.
"10-ы пакет санкцый ЕС у дачыненні да Расіі набудзе моц прыкладна ў першую гадавіну поўнамаштабнага ўварвання ва Украіну, 24 лютага. Санкцыі ў дачыненні да Беларусі могуць быць уведзеныя яшчэ раней. Перагляд гранічных цэн на нафту маркі Brent можа адбыцца ў сакавіку", — паведамляе ён.
Раней выказваліся меркаванні, што ў 10-м пакеце санцый ЕС супраць Расіі могуць быць персанальныя санкцыі. Па галіновых санкцыях (напрыклад, абмежаванні ў сферах ядзернай энергетыкі і здабычы алмазаў) кансенсусу сярод усіх 27 чальцоў Еўрасаюза няма.
the EU's 10th sanctions package on #Russia will come around the 1st anniversary of the full-scale invasion of #Ukraine, 24 Feb. the sanctions on #Belarus might come even earlier. the review of the price cap on 🇷🇺 oil might happen first in March
— Rikard Jozwiak (@RikardJozwiak) January 22, 2023
