Пачалося банкруцтва Лёзненскага льнозавода, якому больш за 90 гадоў
Льновытворчасць у Беларусі / sb.by
Эканамічны суд Віцебскай вобласці разглядае справу аб банкруцтве ААТ "Лёзненскі льнозавод". 91,6% акцый прадпрыемства належаць дзяржаве.
У завода праблемы з 2018 года. Цяпер яго запазычанасць перад іншымі суб'ектамі складае амаль 4,4 млн рублёў.
На льнозаводзе працуе 55 чалавек. Раней, акрамя перапрацоўкі сыравіны, завод займаўся вырошчваннем лёну. З вясны 2022 года лён не сеюць. Восенню 2021 года "Лёзненскім ільнозаводзе" адбыўся пажар, было пашкоджана 713 тон ільнотрасты.
Завод заснаваны 5 снежня 1930 года.
