Палітвязні. Love Story: Канеўскія
У пятым выпуску праекта "Палітвязні. Love Story" мы раскажам пра Мікалая і Таццяну Канеўскіх. Трыццаць восем гадоў у шлюбе, чатыры сыны і пяць з паловай гадоў калоніі за тое, што Таццяна збірала подпісы за Ціханоўскую. Мікалай верыць, што жонка хутка выйдзе на волю, і нават падрыхтаваў для яе сюрпрыз…
Еўрарадыё працягвае праект пра каханне — палітвязняў і тых, хто чакае іх дома. Шматдзетныя або без дзяцей, дзясяткі гадоў у шлюбе або некалькі месяцаў — нашы героі — людзі рознага полу, узросту, прафесій, матэрыяльнага становішча. Гэта праект пра каханне, сілу, пераадоленне і надзеі ва ўмовах рэжыму. Гэта Love Story у Беларусі 2021 года.
