Палякі заступаюць на патруляванне паветранай прасторы краін Балтыі
Знішчальнік F-16 Fighting Falcon / military.com
Польскія вайскоўцы на наступным тыдні пачнуць місію паветранай паліцыі НАТА ў краінах Балтыі, паведамляе Мінабароны Літвы.
Палякі зменяць датчан, якія тры месяцы ахоўвалі паветраную прастору Балтыі. Цырымонія змены воінскіх часцей адбудзецца 30 лістапада на базе авіяцыі ВПС Літвы ў Шаўляй.
Ваеннаслужачыя ВПС Польшчы 10-ты раз будуць удзельнічаць у гэтай місіі НАТА. Іх змена ўключае 150 чалавек. Акрамя пілотаў, у склад групы ўваходзяць тэхнікі, медперсанал, сувязісты, групы падтрымкі і іншыя спецыялісты. Паветраную прастору краін Балтыі польскія лётчыкі будуць патруляваць на чатырох знішчальніках F-16 Fighting Falcon.
НАТА накіроўвае войскі і знішчальнікі для абароны паветранай прасторы Балтыі з сакавіка 2004 года, калі Літва, Латвія і Эстонія сталі членамі Паўночнаатлантычнага альянсу. Місія польскага кантынгенту стане 58-й па ліку.
