Памежнікі затрымалі грамадзяніна Узбекістана, падазраванага ў тэрарызме
Мужчына спрабаваў вылецець з Беларусі па чужых дакументах.
У Нацыянальным аэрапорце "Мінск" памежнікі затрымалі грамадзяніна Узбекістана, падазраванага ў тэрарызме. Мужчына праходзіў афармленне на рэйс Мінск-Стамбул, маючы дакументы грамадзяніна Таджыкістана. Але пры праверцы дакументаў выявілася, што ў пашпарце замененая фатаграфія.
Як высветлілася, па чужых дакументах незаконна спрабаваў вылецець 31-гадовы грамадзянін Узбекістана, паведамляе прэс-служба Памежнага камітэта. Мужчына знаходзіцца ў міжнародным вышуку з чэрвеня 2013 года па абвінавачанні ў арганізацыі злачыннай супольнасці і тэрарызме.
Парушальнік затрыманы, з ім вядзецца разбор.
Фота — tvc.ru
