Памёр стваральнік SMS
Фіну Маці Маканену было 63 гады.
На 64-м годзе жыцця пасля працяглай хваробы памёр стваральнік SMS фін Маці Маканен. У 1984 годзе, калі ён быў грамадзянскім службоўцам, Маканен прыдумаў адпраўляць тэкставыя паведамленні з дапамогай сотавай сувязі. Ён не атрымаў патэнт, таму за вынаходніцтва яму не плацілі грошы.
Маці Маканен быў сціплым чалавекам, у інтэрв'ю падкрэсліваў, што ідэя адпраўляць SMS праз сотавую сувязь належыць не толькі яму, але і іншым інжынерам. Ён верыў, што тэкставыя паведамленні будуць існаваць вечна.
Фота: wired.co.uk
