Парламенцкая асамблея Савета Еўропы прызнала рэжым Пуціна тэрарыстычным

Парламенцкая асамблея Савета Еўропы прызнала рэжым расійскага прэзідэнта Уладзіміра Пуціна тэрарыстычным. "Гэта гістарычны вынік", — піша ўкраінскі дэпутат Аляксей Ганчарэнка. Рэзалюцыю па Украіне падтрымалі 99 дэлегатаў, супраць нікога не было, а ўстрымаўся адзін.

У дакуменце падкрэсліваецца, што Украіна мусіць атрымаць сістэмы супрацьпаветранай абароны для таго, каб абараніць цывільнае насельніцтва. Падкрэсліваецца, што знаходжанне РФ у Савеце бяспекі ААН "не з'яўляецца легальным". Таксама заяўляецца пра найхутчэйшае стварэнне міжнароднага трыбуналу.

Ганчарэнка лічыць, што рэзалюцыя Парламенцкай асамблеі Савета Еўропы — "яшчэ адзін крок, які набліжае... да міжнароднай ізаляцыі Расіі".