Пасля пажару на "Пінскдрэве" звальняюць людзей

Па "дамове" бакоў ужо звольнена дваццаць чалавек, піша "Народная воля". Кіраўніцтва "Пінскдрэва" паведаміла, што на момант аварыі працавалі 182 чалавекі. 130 чалавек былі пераведзеныя на іншыя прадпрыемствы холдынгу.

Адміністрацыя прадпрыемства нагадвае, што кожнай сям'і загінулага прадпрыемства выплаціла адначасовую матэрыяльную дапамогу ў памеры сто мільёнаў рублёў. Работнікам, якія атрымалі цяжкія пашкоджанні, выдалі па 60 мільёнаў рублёў. Тым, хто атрымаў менш цяжкія пашкоджанні, – 23 мільёны рублёў.