Пра нацыянальную памяць, “левакоў”, медалі і масонаў — эфір з Дубаўцом

Рашэнне Аб’яднанага пераходнага кабінета заснаваць сваю ўзнагароду ў выглядзе медаля чакана выклікала незадаволенасць пэўнай часткі беларускага грамадства. Маўляў, перамогі над рэжымам і не відаць, а вы ўжо медалькі раздаваць сабраліся. Але потым дыскусія пераключылася на лозунг, размешчаны на медалі, — “Беларусь перадусім”. Стаўленне да гэтага лозунгу і, адпаведна, разуменне нацыянальнай памяці падзялілі дэмакратычны лагер.

Што не так з прапанаваным Кабінетам медалём і ці час цяпер для ўзнагарод? Ці губляюць сваю каштоўнасць лозунгі ды сімвалы, якімі ў сваіх мэтах карысталіся нацысты альбо калабаранты? Куды падзелася салідарнасць беларусаў і да чаго вядуць спрэчкі і варажнеча ў лагеры апанентаў рэжыму? На гэтыя ды іншыя пытанні адказвае публіцыст, літаратар, Вялікі майстар Вялікай ложы Беларусі Сяргей Дубавец.