Пракурор просіць пакараць палітвязня Сцяпана Латыпава 8,5 гадамі калоніі
Пракурор Уладзімір Рабаў просіць пакараць палітвязня Сцяпана Латыпава 8 гадамі і 6 месяцамі калоніі ва ўмовах узмоцненага рэжыму, а таксама штрафам у памеры 300 базавых велічынь (гэта 8700 рублёў), паведамляюць праваабаронцы. Яго абвінавачваюць па трох артыкулах Крымінальнага кодэксу: "арганізацыя і фінансаванне групавых дзеянняў, якія груба парушаюць грамадскі парадак", "супраціў супрацоўнікам органаў унутраных спраў" і "махлярства, здзейсненае ў асабліва буйным памеры". Латыпаў сваю віну не прызнае.
