Пратэстоўцы ў Кіеве штурмуюць будынкі органаў улады (відэатрансляцыя)
Да будынку адміністрацыі прэзідэнта невядомыя рушылі на бульдозеры, рассоўваючы ачапленне спецназу.
Тым часам пратэстоўцы занялі будынак Кіеўскай гарадской адміністрацыі, каб даць людзям магчымасць адпачыць. Апроч калоннай залы і прыбіральні на першым паверсе актывісты абяцаюць нікуды не хадзіць, інфармуе zn.ua
Там таксама знаходзяцца каля 10 міліцыянтаў і некалькі супрацоўнікаў МНС, журналісты.
У Кіеўскай радзе ўсе вокны і дзверы на першых паверхах пабітыя, перадае УНІАН.
Захоплены таксама Дом прафсаюзаў. Невядомыя маладзёны спачатку зламалі камеры відэаназірання, усталяваныя над дзвярыма цэнтральнага ўваходу ў будынак, затым разбілі шкло, адчынілі дзверы і ўварваліся ў памяшканне.
