Прайшло першае пасяджэнне беларускіх дэмсіл і Савета Еўропы
Падчас сумеснага пасяджэння / twitter.com/Tsihanouskaya
Прайшло першае пасяджэнне прадстаўнікоў беларускіх дэмакратычных сіл, грамадзянскай супольнасці і Савета Еўропы. 7 лістапада ў Страсбургу яго правялі генсек СЕ Марыя Пейчынавіч-Бурыч і Святлана Ціханоўская.
Створаная яшчэ ў верасні кантактная група будзе распрацоўваць і кантраляваць праграмы, праекты "на карысць народу Беларусі". Як вядома, сёлета Савет Еўропы прыпыніў усе кантакты з афіцыйным Мінскам. У той жа час Ціханоўская заявіла, што спадзяецца на ўступленне Беларусі ў СЕ ў якасці паўнапраўнага сябра, і яна будзе прадстаўляцца дэмсіламі і грамадзянскай супольнасцю. Былі абмеркаваны правы чалавека, сітуацыя з палітвязнямі ў Беларусі.
Як піша @rada_vision, у кантактную групу ўвайшлі 10 чалавек.
We are Europe. We share the values of the European family. We honor our European history & heritage. Today, we took an important step towards becoming members of the Council of Europe @coe. I am thankful for the support in our long fight for democratic values @MarijaPBuric. pic.twitter.com/Tj9N1rgugh
— Sviatlana Tsikhanouskaya (@Tsihanouskaya) November 7, 2022
