Прэзідэнт Польшчы патэлефанаваў Святлане Ціханоўскай
8 лістапада прэзідэнт Польшчы Анджэй Дуда патэлефанаваў Святлане Ціханоўскай. Ён падзякаваў лідарам беларускай дэмакратычнай апазіцыі за падтрымку Польшчы падчас міграцыйнага крызісу. Таксама Дуда падзякаваў за тое, што "яны нагадваюць свету": "адказным за крызіс з'яўляецца рэжым Лукашэнкі".
Анджэй Дуда ў Twitter падзякаваў "за поўную падтрымку і разуменне" прэзідэнтам Літвы, Латвіі, Эстоніі, Украіны і Грузіі, з якімі таксама ў меў тэлефонныя размовы пра міграцыйны крызіс, і "лідару дэмакратычнай Беларусі Святлане Ціханоўскай". "Абараняючы нашы межы, мы абараняем Еўропу", — напісаў ён.
8 лістапада сур'ёзна ўскладнілася сітуацыя на беларуска-польскай мяжы. Туды прыйшла калона мігрантаў (іх ад 2 да 4 тысяч чалавек), якія спрабавалі прарвацца ў Польшчу і не пакідаюць такой надзеі — застаюцца каля мяжы. Беларускія памежнікі толькі назіраюць за тым, як мігранты ламаюць агароджу з калючага дроту.
I would like to thank the Presidents of @GitanasNauseda @Zourabichvili_S @valstsgriba @AlarKaris @ZelenskyyUa, as well as the leader of democratic Belarus @Tsihanouskaya, for their full support and understanding. By defending our borders, we defend Europe.
— Andrzej Duda (@AndrzejDuda) November 8, 2021
I had an emergency call with President @AndrzejDuda to discuss the situation on the Belarus-EU border & possible solutions to it. Our positions are the same: it's a deliberate escalation by the regime & should respond strongly. We can't let the dictator escalate violence. pic.twitter.com/4y6BNF5lU0
— Sviatlana Tsikhanouskaya (@Tsihanouskaya) November 8, 2021
