Проста бізнес: пра "ўмацаванне" санкцыямі і гандаль з Украінай
Напярэдадні нападу расійскай арміі ўкраінскі палітолаг Яўген Магда казаў, што калі з тэрыторыі Беларусі ў бок Украіны будзе зроблены хоць адзін стрэл, то гэта стане палітычнай смерцю Лукашэнкі. Магчыма, як самы папулярны замежны палітык Лукашэнка для ўкраінцаў палітычна і памёр, але як эканамічны партнёр, з якім можна працягваць гандляваць, яшчэ не канчаткова.
Ці ёсць хоць слова праўды ў заявах беларускага прэм’ера Галоўчанкі пра заходнія санкцыі, якія ідуць на карысць беларускім прадпрыемствам і эканоміцы? Чаму для Кіева гандаль з лукашэнкаўскім рэжымам — прымальны? Што чакае беларускую эканоміку найбліжэйшым часам? На гэтыя ды іншыя пытанні адказвае эканаміст Яраслаў Раманчук.
