Пуцеправод паміж Маскоўскай і Чкалава ў Мінску плануюць цалкам закрыць
Капрамонт на пуцеправодзе паміж вуліцамі Чкалава і Маскоўская / minsknews.by
Пуцеправод паміж вуліцамі Маскоўскай і Чкалава ў Мінску 10 і 11 жніўня цалкам закрыюць для руху транспарту. Выключэнне зробяць толькі для грамадскага і транспарту экстранных службаў. Пра гэта паведамляе агенцтва "Минск-Новости" са спасылкай на дырэктара прадпрыемства "Гардарбуд" Сяргея Панева.
Рух па мосце ў абодвух напрамках будзе перакрыты з 12:00 да 16:00 10 жніўня, а затым з 23:00 да 7:00 пятніцы. Гэта звязана з неабходнасцю правесці дэмантажныя працы.
Нагадаем, пуцеправод з пачатку ліпеня знаходзіцца на капрамонце. Панеў раней казаў, што нарматыўны тэрмін такіх работ — больш за 16 месяцаў, але ў "Гардарбудзе" разлічваюць завяршыць працы хутчэй.
Схема аб'езду пуцеправода па вул. Маскоўская з боку вуліцы Чкалава / minsknews.by
Схема аб'езду пуцеправода з боку праспекта Незалежнасці / minsknews.by
