Пуцін не супраць асацыяцыі Украіны з ЕС, але супраць яе ўступу ў NАТО
Прэзідэнт Расіі заявіў, што яго дзяржава не супраць таго, каб Украіна ўсталявала асацыяванае сяброўства з Еўрасаюзам.
Аднак калі б Кіеў уваходзіў у NАТО, то ў гэтым выпадку Расія б выказалася супраць.
Уладзімір Пуцін лічыць, што набліжэнне інфраструктуры вайсковага блока да расійскіх межаў уяўляе для краіны пэўную небяспеку. А вось эканамічныя аб'яднанні не нясуць ніякай небяспекі з гледзішча абароназдольнасці краіны.
Аднак Пуцін нагадаў, што ў Расіі і Украіны адкрыты рынак і абнуленыя стаўкі па экспартна-імпартных тарыфах. Калі Кіеў адкрые "сваю браму" ў ЕС і абнуліць гэтыя ж таварныя групы, то расійскі бок не можа пакінуць ранейшы парадак, адзначае interfax.by. Пуцін дадаў, што Расія абавязана абараніць сваю эканоміку і толькі ў гэтым палягае пазіцыя краіны.
Фота — AFP
