Рафаэль Надаль другі раз выйграў адкрыты чэмпіянат ЗША па тэнісе
У фінале мужчынскага адзіночнага разраду іспанец выйграў апошні ў гэтым сезоне тэнісны турнір серыі "Вялікага шлема".
Вырашальны матч доўжыўся больш за тры гадзіны. Надалю супрацьстаяў серб Новак Джокавіч. Іх сустрэча скончылася трыумфам Надаля — 6:2, 3:6, 6:4, 6:1, паведамляюць спартовыя СМІ.
Для іспанца гэта ўжо другая перамога на кортах "Флэшынг Медаўз". Упершыню ён выйграў тут у 2010 годзе, абыграўшы Джокавіча, а ў 2011 годзе серб узяў рэванш.
Нагадаем, што пераможцай у жаночым адзіночным разрадзе US Open-2013 стала амерыканка Серэна Уільямс. У фінале яна абыграла беларуску Вікторыю Азаранку.
Фота — eurosport.ru