Расія не хоча набываць "Белтрансгаз", бо ў яго запазычанасць за газ

Набываць кантрольны пакет акцый "Белтрансгаза", які мае запазычанасць за пастаўкі газу, эканамічна немэтазгодна. Пра гэта заявіў журналістам віцэ-прэм'ер Расіі Ігар Сечын, паведамляюць РІА "Новости". Сечын падкрэсліў, што пагашэнне запазычанасці Беларусі за расійскі газ павінна вырашацца ў прававым полі. А ці набываць кантроль над "Белтрансгазам" у кошт запазычанасцяў - гэта справа "Газпрому".

Нагадаем, расійскі бок заяўляў, што запазычанасць "Белтрансгазу" за расійскі газ на 1 траўня складала 192 млн долараў.