Расія саступіла Беларусі ў нафтавай спрэчцы і прыняла беларускія прапановы

З пачатку 2020 года найбуйнейшыя расійскія нафтавыя кампаніі перасталі пастаўляць у Беларусь сваю сыравіну. Расія і Беларусь не змаглі дамовіцца наконт прэміі да сусветнай цаны за вылікам экспартных пошлін, якую раней беларускія НПЗ плацілі расійскім пастаўшчыкам. З-за расійскага падатковага манеўру беларускія ўлады лічаць выплату прэміі неабгрунтаванай.

З-за гэтых рознагалоссяў і адсутнасці доўгіх дамоўленасцяў пачаліся пошукі альтэрнатыўных пастаўшчыкоў.

Беларусь стала праводзіць палітыку дыверсіфікацыі паставак нафты. "Белнафтахім" пачаў закупляць нафту ў кампаній з Нарвегіі і Азербайджана, пачаліся перамовы з Казахстанам. Таксама з'явіліся дамоўленасці па пастаўках з невялікімі расійскімі нафтавымі кампаніямі, якія згодны працаваць на ўмовах без прэміі.

З-за праваленых перамоў паміж Расіяй і краінамі АПЕК + наконт аб'ёмаў здабычы нафты ў пачатку сакавіка здарыўся найбуйнейшы абвал цэн на нафту з 1991 года. У панядзелак, 9 сакавіка, цэны на нафту знізіліся прыкладна на 30 адсоткаў. Кошт бараля нафты маркі Brent у той дзень зваліўся да 32,83 долара — гэта на 12,44 долара ніжэй, чым у канцы мінулага біржавога дня. І пасля кошт нафты працягнуў падаць. На 20 сакавіка кошт бараля нафты маркі Brent — 27,3 долара.