Расійскія навукоўцы зафіксавалі, што Крым рухаецца ў бок... Расіі
Расійскія навукоўцы зафіксавалі, што Крым рухаецца ў бок... Расіі. Яны спасылаюцца на даследаванне руху тэктанічных плітаў.
Як інфармуе РІА "Новости", доктар тэхнічных навук, прафесар інстытута прыкладной астраноміі Расійскай Акадэміі навук Аляксандр Іпатаў сцвярджае, што Крым рухаецца на паўночна-ўсход з хуткасцю 2,9 мм за год. У сацсетках ужо пачалі жартаваць, што Расія можа адмовіцца ад пабудовы моста з мацерыка на паўвостраў, паколькі ён сам рухаецца, хоць і марудна.
Украінскі Крым у 2014 годзе быў захоплены расійскімі спецпадраздзяленнямі і неўзабаве праз рэферэндум далучаны да Расіі. З-за гэтых дзеянняў Масквы Захад увёў санкцыі.
