Актывістка гей-руху Наталля Прадзед застанецца на Акрэсціна на ноч
19 ліпеня яе затрымалі каля Мінгарвыканкаму. Яна выйшла на адзіночны пікет, трымаючы ў руках плакат з надпісам “ШОС”.
Яе паплечнікі па гей-руху пакуль не высветлілі, ці была ўжо Наталля асуджаная за гэты пікет. Магчыма, суд яшчэ пройдзе 20 ліпеня, паведамляе сайт news.gayby.net. Дзяўчына выйшла на пікет, бо хацела выказаць пратэст супраць гамафобіі чыноўнікаў ды ўвогуле супраць палітыкі беларускіх уладаў.
Першапачаткова прадстаўнікі ЛГБТ-руху падавалі заяўку на акцыю супраць гамафобіі. Аднак мінскія ўлады ім адмовілі.
