Анатолю Лябедзьку аднавілі расследаванне па "справе 19 снежня"
Пра гэта лідар Аб'яднанай грамадзянскай партыі даведаўся ад начальніка следчага ўпраўлення папярэдняга расследавання Казакевіча.
Расследаванне адноўленае ад 1 жніўня 2011 года, інфармуе Радыё "Свабода". На думку самога Лябедзькі, справу аднавілі з палітычных прычынаў. Палітык кажа, што сілавыя структуры рыхтуюцца да восені і даюць зразумець, што гатовыя зноў судзіць апанентаў. Па словах Лябедзькі, улады пакідаюць яго на няпэўны час у статусе палітычнага закладніка.
