Апазіцыянераў рыхтуюцца высяляць з кватэраў?
Прынамсі, такія магчымасці дае новы Жыллёвы кодэкс, прыняты Палатай прадстаўнікоў.
Дэпутаты прынялі яго ў чацвер у другім чытанні, інфармуе interfax.by. Паводле новага кодэксу, кажуць дэпутаты Палаты прадстаўнікоў, уласнікам будзе прасцей выселіць з кватэры іншых людзей.
Акрамя таго, цяпер можна будзе выселіць з кватэры і ўласніка, калі ў яго ёсць запазычанасць па аплаце за камуналку па непаважлівай прычыне больш як за 6 месяцаў.
Таксама ўласніка могуць выселіць, калі ён тры і больш разоў прыцягваўся да адміністрацыйнай адказнасці і парушаў грамадскі правапарадак. Нагадаем, што многіх беларускіх апазіцыянераў асуджаюць на грашовыя штрафы і адміністрацыйны арышт з надуманых прычынаў.
Фота — stroydomservis.ru
