Арганізатараў выбухаў у Днепрапятроўску затрымалі?
СМІ паведамляюць пра затрыманне першых падазроных у арганізацыі выбухаў у Днепрапятроўску.
Журналісты спасылаюцца на крыніцы ў мясцовай міліцыі. Аднак СБУ не пацвярджае гэтыя звесткі.
Справу пад свой кантроль узяла служба бяспекі Украіны. Крыніца ў сілавых структурах паведаміла, што выбухоўка зробленая прафесійна, перадае сайт podrobnosti.ua. Таксама ёсць звесткі, што ў Днепрапятроўск уведзеныя бронетранспарцёры і дадатковыя сілы.
Паведамляецца таксама, што спецыялістам удалося абясшкодзіць пятую выбуховую прыладу. Нагадаем, што перад гэтым у Днепрапятроўску адбыліся чатыры выбухі.
Фота — ІА "МОСТ-ДНЕПР"
