Астроўскі не верыць, што яго бацьку забіў аўтамабіль
Доктар медыцынскіх навук, прафесар Гродзенскага дзяржуніверсітэта Аляксандр Астроўскі сумняецца ў версіі следства адносна гібелі свайго 86-гадовага бацькі.
Нагадаем, 86-гадовы бацька Астроўскага 25 сакавіка пайшоў у гараж за гароднінай. Калі ён ужо зачыняў гараж, на яго, нібыта, напалі. Мужчына памёр у бальніцы ў выніку моцнага ўнутранага крывацёку з-за разрываў унутраных органаў. Ён не сказаў, хто на яго напаў. Па гэтым факце праводзіцца расследаванне, распачатая крымінальная справа, паведамляе БелаПАН.
Пазней "Интерфакс-Запад" дадаў, што 86-гадовы бацька прафесара загінуў у выніку наезду на яго аўтамабіля. У якасці падазраванага праходзіць 42-гадовы жыхар Гродна.
Як заявіў БелаПАН Астроўскі, ДТЗ — адна з версій таго, што адбылося. Ён у ёй не ўпэўнены.
