Асудзілі брэсцкіх актывістаў, затрыманых яшчэ да 3 ліпеня
Івана Стасюка, Алеся Чаркашына і Артура Анісімава асудзілі нібыта за дробнае хуліганства.
Актывістаў затрымалі 1 ліпеня ўвечары кожнага паасобку. Затым іх даставілі ў Маскоўскі РАЎС Брэста, дзе склалі пратаколы за дробнае хуліганства. Усе выходныя затрыманыя правялі ў ізалятары.
Сёння, 4 ліпеня суд прызнаў усіх вінаватымі ў парушэнні Адміністрацыйнага кодэкса. Анісімаў і Чаркашын асуджаныя на 6 сутак арышту, а Стасюк — на 10 сутак, паведамляе БелаПАН.
Івана Стасюка зусім нядаўна затрымлівалі гэтаксама напярэдадні “маўклівай акцыі”. Тады яго таксама асудзілі на 10 сутак.
