Беларусь зноў спадзяецца на кампраміс у газавым пытанні
Пра гэта паведаміў сёння журналістам у Маскве прэм’ер-міністр Беларусі Міхаіл Мясніковіч.
Ён паведаміў, што перамовы аб коштах на прыродны газ для Беларусі, а таксама аб продажы пакета акцый “Белтрансгаза” абмяркоўваліся сёння з кіраўніком расійскага ўрада Ўладзімірам Пуціным. Перамовы адбыліся на канферэнцыі па развіцці Мытнага саюза і АЭП, перадае БЕЛТА.
Адказваючы на пытанні, ці звязаны перамовы па коштах на паліва з перамовамі аб продажы акцыяў “Белтрансгаза”, Мясніковіч адзначыў: “Мы гэта маем на ўвазе, аднак наўпрост гэта не звязана”.
